Bata Bata... Asa imung Tatay?

Maayong buntag, udto og gabii sa inyu mga loyal nako nga tigpaminaw. Ang atong topic karon tungkol sa usa ka bata.

nganung kani man ang akong napili nga topic?

kay usa ka adlaw, katong naglaag2x ko sa carmen, diha dapit sa jollibee, daghan kayo kog nakita nga bata ni edad lang og 4-9. Ug sa dihang giduol sila sa ako para mangayu og piso. Ako silang giignan nga wala koy kwarta. Tinuod man sad, plite nalang nabilin. Ug paghawa nila naay usa ka bata nagpabilin.. Ni tan-aw siya sako og niingon. Grabeh iyang tinan-awan murag daghan kayu og gusto iistorya. Nikalit lang dayun ko og pangutana, "Asa man diay imu mama?".. Ang bata kay nilingi-lingi lang. Nitan-aw daun siya ug utro ug ningisi, dayun niapas sa iyang mga amigo...

Unsa kahay buot ipasabot sa bata? Naa ba kaha koy mabuhat para matabangan siya? Unsa kaha akong matabang sa iya? Daghan kayo ko og pangutana pero usa ra gyud ang akong gakahadlokan nga konklusyon.. "Kato mao ang musunuray sa ako nga henerasyon..."

Mga tigpaminaw kulba kayu huna-hunaon nga katong bataa maoy mahimung sumusunod nga lumulupyo sa atong kalibutan. Unsa nalang ang mahitabo sa ila? Kung aduna man ugaling kamuy mga gusto ikatabang aning mga kabataan ayaw kamog kaulaw nga istorya sa ako kay mangita tag pamaagi aron kining mga bataa mahatagaan ug hustong kaugmaon.

Ug kini mao si Dong Bodong, nagpakabana ug nag-ingon, "ang bata ayaw pasagdi, sila atong ugma"